الجملة السحرية...

..."قبل كل شي نحب نقول إلي انا مانيش معارض "

أذية جملة قمقومة ديمة نقراها فالمرحوم فايس-بوك، المدونات، المنتديات وساعة ساعة نسمعها في بعض الحوارات "المهمة" وقت إلي الواحد منا باش يتجرأ و ينقد حاجة والعياذ بالله

معناها، و حسب فهمي البسيط وقت إلي نرميو الفرشة هذي، رانا ننقدو (موش نعارضو ) ونحنا مزكين مسلمين مؤمنين بالخيارات والتحديات و و و....

إيه عادة عبدكم الفقير قبل ما يصكو إنفصام في الشخصية، ولا يدقو ربي يرميها في قالب حديث ترصيلو فالأوف-سايد، حب يفهم العمق الاستراتيجي والمعاني الخفية لهذه الجملة السحرية، إيه شعيرة لا نسيت، مع العلم اللي أنا زادة مانيش معارض .

والله لا يضيع أجر المحسين
...