....مدام الشعب يحب اللعب

حم حم، أولاً شكرا لازواو على المبادرة الطريفة هاذي و لخونا إلدوعاجي على الدعوة الحلوة ونشالله متندمش بركة....

. إن كنت شجرة فما هي؟ نخلة، ساهلة هذي...

· إن كنت أكلة فما هي؟ أوه موضوع حساس هذا، تسطيرة قروية يا حبذا و على ذكر القيروان نحب برشة مرقة عراسي و خبز بزازل (والله اسمو هكاكا) إلي يعملوهم فالعروسات، اه والسفنج زادة إيه وطاجين العروسات كلي يطيب فالكوشة، أووه نودك ولا نشهيك....

· إن كنت زهرة فما هي؟ وردة من اريانة كما كلي كانوا يا حسرة في بير بالحسن وقتلي كان "جاردان بوتانيك"...

· إن كنت قرية أو دشرة أو حارة فما هي؟ باب الهوى في توزر...

· إن كنت قصيدة فما هي؟ حبك درة كفاش...

· إن كنت شخصية تاريخية فمن تكون؟ نحنا في ماي إذاً فرحات حشاد الله يرحمو...

· إن شخصية خرافية فمن تكون؟ نعرف شخصية خرا فيه أما لا داعي للثلب كما قال أستاذي فتحي (ماني وليت نقرا حقوق كل نهار ثلاثة فالليل على قناة حنبغل)....

· إن كنت وادي أو نهرا فما هو؟ النيل خاطر يذكرني في النيليسم إلينا فيه توا...

· إن كنت شخصية قصصية فمن تكون؟ علي عكرك إلي مرة غلط قدام أمي عيتلو علي كراكب....

· إن كنت حيوانا فما هو؟ عقرب، جريدي زايد...

· إن كنت حليا فما هو؟ خلخال، بورجلية مانيش فتشيست أما ياسر سكسي الخلخال...

· إن كنت لباسا فما هو؟ جبة بيضه قمرايا يا بمبك...

· إن كنت شذى أو رائحة فما هي؟ ريحة الحوت قبل مناكلو....

· إن كنت موقعا فما هو؟ جبل عمار بسيدي ثابت إلي نشالله تقعد منطقة فلاحية وما يتجربعوش عليها المقاولين...

و كل من تكعبرتلو في هذه الأسئلة مطالب بش يقوم بالواجب معى 6 مدونين و مدونات...
أية سيدي اه....
Mad djerba، Rach، Cactussa، Carpe diem، Kristou، Chopito